Færsluflokkur: Bloggar

Mens sana in corpore sano - Heilbrigð sál í hraustum líkama

Mens sana in corpore sano - Heilbrigð sál í hraustum líkama

Styðjum þau og eins þá sem standa þeim að baki.

Íþróttakempur af öllum aldri og báðum kynjum eru fjárfesting til framtíðarinnar fyrir þjóðina og þjóðarsálina og veitir víst ekki af þessa síðustu og verstu, þegar valdhafar gætu allt eins haft eftir setningu Guðríðar Ósvífursdóttur: "Þeim var ég verst..."

Þessum árangri nær enginn einn, þó einn standi í sviðsljósinu.

Eftir stöndum við stolt af þessum glæsilegu íþróttahetjum okkar sem eru að berjast á opinberum vettvangi — við keppendur sem oft eru með tugmilljóna þjóð sem bakhjarl — fyrir hönd hinnar ótrúlega fámennu (í heildrænu samhengi) íslensku þjóðar.

Það eru væntanlega fá okkar sem getum gert okkur að fullu grein fyrir því hvað þau eru að gera, ekki síður dags daglega frekar en í keppnum og stöðunni sem þau eru í.

Þökk sé verulega bættri aðstöðu, góðum þjálfurum og (hægt og rólega, þó megi gera betur ef duga skal) breyttu viðhorfi okkar til íþróttamanna, með auknum stuðningi bæði almennt sem og fjárhagslega, færast þau hægt og bítandi nær efri hluta listans sem hefur að geyma bestu íþróttamenn í heiminum.

Jafnframt sýnir okkar góða íþróttafólk fram á nær lygilega sérstöðu íslensku þjóðarinnar sem birtist í afrekum á heimsmælikvarða á borð við heimsmeistara í Crossfit og kraftlyftingum (alls ekki síður heims- og Evrópumeistara í frjálsum íþróttum hjá eldri árgöngum og ef það er okkur ekki hvatning þá hvað?), silfurverðlaun íslenska landsliðsins í handbolta á Ólympíuleikunum og lengi mætti áfram telja.

Þó er aldrei að vita hvað gerist á næstu Ólympíuleikum...


mbl.is Ásdís líklegust til að ná inn í úrslitin
Tilkynna um óviðeigandi tengingu við frétt

Má eitthvað hafa gengið á...

Má heldur betur hafa gengið eitthvað á ef Keflvíkingar, sem eru nú ekki þekktir af neinum vettlingatökum í "fastri" vörn sinni, ganga í grátkórinn...
mbl.is Keflvíkingar skora á Stjörnumenn
Tilkynna um óviðeigandi tengingu við frétt

Sannarlega mannlegur harmleikur...

Maður veltir því oft fyrir sér hvar mörkin liggja, en stundum eru þau einstaklingum greinilega alveg ljós.

Einhverra hluta vegna dettur mér í hug hluti af þjóðsöng okkar Íslendinga eftir Matthías Jochumsson:

 

Fyrir þér er einn dagur sem þúsund ár,

og þúsund ár dagur,ei meir;

 

eitt eilífðar smáblóm með titrandi tár,

 

sem tilbiður guð sinn og deyr


mbl.is Hundruð viðstödd útförina
Tilkynna um óviðeigandi tengingu við frétt

Hvaða rugl er það, að viðurkenna þetta ekki sem íþrótt?!?

Hvern þurfum við að kaffæra í bréfum til þess að fá það í gegn? (Spurði ég í gærkvöldi)

Maður að nafni Bárður Smárason benti mér þá á (á Facebook) að byrja þurfi á því að fá aðild að ÍSÍ og að þeir sem stundi Crossfit séu í sama veseni og Mjölnismenn og fleiri sem stunda blandaða bardagalist, m.a. Gunnar Nelsson sem flestir ættu að þekkja og vita hver er. Þess vegna er ekki hægt að hafa þau með í t.d. kjöri til Íþróttamanns ársins en mörgum fannst súrt í bragði að Annie Mist Þórisdóttir sem varð hvorki meira né minna en heimsmeistari í Crossfit hafi ekki verið valin íþróttamaður ársins síðast, að Heiðari Helgusyni, (snillingnum) Ásdísi Hjálmsdóttur, Jakobi Erni Sigurðarsyni og fleirum ólöstuðum.

Svar mitt við því (aftur á Facebook) var:

OK!
Þá verður að byrja á ÍSÍ, arka þangað nokkur hundruð saman, með ketilbjöllur og fleiri crossfitgræjur, fá Mjölnisgaurana (og skvísurnar) með, í gi eða no gi, niður eftir með Nelsoninn í fylkingarbrjósti, hlaða öllu draslinu á borðið, stilla sér upp og spyrja svo kurteisislega...


mbl.is Dætur Íslands öflugar í CrossFit
Tilkynna um óviðeigandi tengingu við frétt

Harvard; veldur gervisykur hjartasjúkdómum?

Líklega trúa flestir því sem kemur frá Harvard. Þeir eru með glænýja grein um hugsanleg áhrif gervisykurs á m.a. hjartasjúkdóma, forvitnilegt...

http://www.health.harvard.edu/blog/is-there-a-link-between-diet-soda-and-heart-disease-201202214296?utm_source=review&utm_medium=email&utm_campaign=MIR0212&j=28484973&e=solvi%40heilsuradgjof.is&l=16278673_HTML&u=328597733&mid=148797&jb=0

www.health.harvard.edu
I'm a big fan of diet soda. I like the taste, and I love that it doesn't have any calories. I can drink two or three diet sodas a day and no

 


mbl.is Aspartame getur leitt til þyngdaraukningar
Tilkynna um óviðeigandi tengingu við frétt

Talar enginn sem ég þekki illa um Kanada eða Kanadamenn og konur...

Eins og ég tala um í greininni/viðtalinu við Víkingaprinsessuna (sjá krækju fyrir neðan) þá hafa Íslendingar heldur betur haft áhrif á sögu Kanadamanna og kannski kominn tími til að flétta sögu landanna saman aftur?

Nokkrir Íslendingar eru á leið til Kanada nú í ágúst til þess að taka þátt í heimsmeistaramótinu í Fitness á vegum WBFF. Þekki ekki marga sem tala illa um Kanada og Kanadamenn, held bara engan?

http://viewer.zmags.com/publication/4dfd7ae3?page=104&p9865=9985#/4dfd7ae3/56

 

 


mbl.is Minni fjárlagahalli í Kanada
Tilkynna um óviðeigandi tengingu við frétt

Bannað að banna bankabónusa og brottkast...

Áætlað að það séu hátt í 30.000.000.000 kíló sem einfaldlega er hent í sjóinn árlega, sem er að mestu eða öllu leyti ætur fiskur.

Oftast er um helmingur þyngdar fisksins kjöt.

Það segir okkur að hátt í fimmtán milljörðum kílógramma af mat (fiskikjöti) er HENT! árlega...

Fiscus-throwingNúna eru um 7.024.243.000 einstaklingar í heiminum sem gerir hátt um 2 kg af fiskikjöti sem hent er fyrir hvern jarðarbúa á ári. Væri þetta nýtt til fæðu mætti líklega draga talsvert úr þessum 25.000 dauðsföllum vegna hungurs sem eiga sér stað á hverjum einasta degi, allt árið um kring.

Cree Indíánarnir sögðu að einungis þegar búið væri að höggva síðasta tréð, eitra síðustu ána, og veiða síðsata fiskinn myndi hvíti maðurinn átta sig á því að peningar eru ekki ætir?

En hvað með hlutabréf, skyldu þau frekar vera æt, er það kannski lausnin, ætir peningar og hlutabréf?

Bara ef hægt væri að nýta allan þennan fisk? Því eins og staðan er í dag er í gangi tvenns konar fiskeldi, beint og óbeint (brottkast). Mikið hefur verið gagnrýnt hversu mikið þarf af fóðri til þess að framleiða eitt kíló af kjöti, hvort sem um er rætt fiskikjöt í beinu fiskeldi, nauta- svínakjöt eða álíka. Þar fyrir utan verður "kjarnfóðurs"-, hvað þá "maís bauna"kjötið mun óhollara vegna "rangrar" samsetningar fitusýra í eldiskjöti sem er með of hátt hlutfall ómega-6 (getur beinlínis stuðlað að sjúkdómum sem oft eru kallaðir velmegunarsjúkdómar) á móts við náttúrulegt kjöt sem er með hærra hlutfall af ómega-3 og stuðlar frekar að heilbrigði okkar.

Í sumum tilfellum er þetta þó skárra á Íslandi en víða annarsstaðar þar sem við notum eitthvað af fiskimjöli í fóðrið.

Reyndar er forvitnilegt að mörgum þykir "náttúrulegt" kjöt ekki eins gott á bragðið og "verksmiðjuframleitt" Mörgum þykir of sterkt bragð af því.

Kannski ekki skrítið þar sem búið er að "verksmiðjuframleiða" margar af væntingum okkar, eins og til dæmis þessi fína tölva sem ég er að skrifa þetta á, hún gæti verið ódýrari (reyndar mun dýrari líka) en það er bara svo GAMAN að eiga eitthvað fínt og flott!

En tvímælalaust væri betra ef hægt væri að dreifa alla vega einhverju af öllum þessum brottkastsfiski til þeirra sem eiga hvorki fína tölvur né nokkurn mat að borða, upp að því marki að það dregur þau (öll 25.000 manns á dag) til dauða. Væri til dæmis hægt að taka þetta framhjá kvóta? En hver ætti þá að dreifa þessu? Minnir mann svolítið á dreifingu auðsins og meira að segja aðra kafla úr mannkynssögunni eins og Martin Niemöller minnir okkur á:

First they came for the communists,
and I didn't speak out because I wasn't a communist.     

Then they came for the trade unionists,    
and I didn't speak out because I wasn't a trade unionist.     

Then they came for the Jews,    
and I didn't speak out because I wasn't a Jew.     

Then they came for me    
and there was no one left to speak out for me.

Ábyrgðadreifing (Diffusion of responsibility) er að verða eitt af helstu meinum hins vestræna heims. Þó einhver "handföng" séu til þess að "toga í", s.s. hjálparstofnun kirknanna, þá hefur fólk ekki fulla trú á þeim þar sem tíðrætt er um spillingu nær endastöðinni í formi þess að stór hluti fjármunanna endi í höndum spilltra stjórnmálamanna, ýmissa erindreka og jafnvel stríðsherra.

Kannski ekki skrítið að boð- og efnaskiptavillur (s.s. áunnin sykursýki) séu í auknum mæli að gera út um mannskepnuna því það endurspeglar að mörgu leyti tilveru okkar. Ein af mörgum birtingarmyndum þess er ábyrgðardreifing. Við tökum mörg ekki einu sinni ábyrgð á okkur sjálfum (sbr. heilsurækt; FYRST andleg, svo líkamleg) en kennum þjóðfélaginu um eða finnum einhvern hentugan blóraböggul til þess að kenna um.

Í staðinn fellum við hvert heimsmetið á fætur öðru í lyfjaneyslu, kannski ekki skrítið eftir allt saman að við skulum mælast ein af hamingjusömustu þjóðum í heiminum?

En við eigum alla vega nóg að bíta og brenna, það er hverjum manni augljóst og rétt að njóta þeirra forréttinda í botn, að búa í landi þar sem göfug norræn velferðarstjórn ríður rækjum.


mbl.is Vilja ekki bann við brottkasti
Tilkynna um óviðeigandi tengingu við frétt

VIÐBRAGÐS-tími manneskju eru milli 0.25-.05 sekúndur

Þeir sem hafa reynt að drepa flugu vita að að getur reynst erfitt.

Viðbragðstími flugu er um 0.01 sekúnda en okkar um 0.25-0.5 sekúndur. Að ætla sér að skora körfu á 0.5 sekúndum jafngildir í fyrsta lagi ofur-góðum viðbrögðum (viðbragði) en á sama tíma þyrfti viðkomandi að skjóta beint á körfuna, þ.e. hefði ekki tíma til þess einu sinni að gefa boltann, auk þess yrði boltinn væntanlega einhvern tíma á leiðinni líka.

Því segir það sig sjálft, hverjum heilvita manni, að engu skiptir hvort tímaklukkan hefði verið stillt á 0.5 sekúndur eða ekki.

Ótrúlegur þristur hjá tíunni samt :)


mbl.is Jöfnunartilraun Hauka í Njarðvík (myndskeið)
Tilkynna um óviðeigandi tengingu við frétt

Sagt hefur það verið um suðurnesja...

Eftir að hafa horft töluvert á körfubolta í gegnum tíðina og m.a. þó-nokkra leiki Keflavíkur og Njarðvíkurliðanna bæði innbyrðis og gegn öðrum liðum og sömuleiðis bæði í karla og kvennadeild kemur ekki á óvart að eitthvað þessu líkt skuli koma upp á yfirborðið.

Það eru nokkuð margir leikir sem standa upp úr vegna sérkennilegrar meðferðar, (stundum vægast sagt) grunsamlegrar tímagæslu og fleiri atriða og meira segja þegar dómarar hafa, af því er hefur virst, (afsakið orðbragðið) drullað upp á bak, jafnvel upp að því marki að maður fer út úr húsi með óbragð í munninum eftir að stuðningsmenn liðsins sem verið er að svína á, jafnvel ungir krakkar eru að reyna að "hjálpa" dómurunum að dæma af meiri sanngirni.

Auðvitað er alltaf auðvelt, en ekki endilega sanngjarnt, að breytast í "sófa"íþróttamann, gagnrýna leikmenn, þjálfara, stuðningsmenn, dómara, aðra starfsmenn og í raun alla, nema þá helst sjálfan sig, fram og til baka.

Með það í huga tek ég undir orð merkrar listakonu (eftir slælegar athugasemdir gagnrýnenda) þegar hún sagðist aldrei hafa séð styttu, reista til heiðurs gagnrýnanda.

Vonandi verður þetta mál tekið fyrir og verður þá til þess að enn meira verður lagt í dómgæslu og utanumhald sem eru þó fyrir krefjandi og oft vanþakklát störf.

Miðað við hversu mörg önnur atvik hafa átt sér stað á þessari leiktíð, sem vega sum hver þyngra ef eitthvað er en þetta, finnst manni tímasetningin eilítið sérkennileg í þessu tilfelli. 

En þá verða bæði liðin væntanlega að vera undirbúin undir að sleppa ekki ef það á að fara að spila "eitthvað á kerfið" og dómarar og aðrir geta átt von á gagnrýni frá aðilum sem hafa látið kyrrt liggja hingað til, ætla ég rétt að vona.


mbl.is Óvíst hvenær undanúrslit kvenna fara fram
Tilkynna um óviðeigandi tengingu við frétt

"Boðorðin tíu" og vaselínkrukku?

Góður brandari segir að gott sé að segjast hafa fundið frábæra gjöf handa þeim sem erfitt er að finna gjafir fyrir.

"Já, ég keypti innskó og vaselínkrukku handa þér."

"Ha, inniskó og vaselínkrukku?"

"Einmitt, ef þú fílar ekki inniskóna þá getur þú bara troðið þeim upp í rass$%&ið á þér!"

Mér datt í hug hvort Steingrímur hafi fengið boðorðin tíu (#1 Verðum að fara í ESB; #2 Verðum að fara í ESB; #3 Verðum að fara í ESB o.sfrv.) og vaselínkrukku í jólagjöf frá Samfylkingunni?!?


mbl.is „Ekki sami maður“
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband