"Boðorðin tíu" og vaselínkrukku?

Góður brandari segir að gott sé að segjast hafa fundið frábæra gjöf handa þeim sem erfitt er að finna gjafir fyrir.

"Já, ég keypti innskó og vaselínkrukku handa þér."

"Ha, inniskó og vaselínkrukku?"

"Einmitt, ef þú fílar ekki inniskóna þá getur þú bara troðið þeim upp í rass$%&ið á þér!"

Mér datt í hug hvort Steingrímur hafi fengið boðorðin tíu (#1 Verðum að fara í ESB; #2 Verðum að fara í ESB; #3 Verðum að fara í ESB o.sfrv.) og vaselínkrukku í jólagjöf frá Samfylkingunni?!?

„Ekki sami maður“

Áætlað að alla vega um og yfir helmingur barna sem nota rítalín og skyld lyf séu EKKI ofvirk

Að mínu mati fáránlegt hvað er búið að dæla miklu af þessu í bæði börn og fullorðna!

Duke Study Faults Overuse of Stimulants for Children E. Marshall Science 2000, 289:721

Study of Stimulant Therapy Raises Concern B. Bower Science News 2000

Undirliggjandi orsakir fyrir flestum andlegum meinum virðast vera tilfinningar sem ekki er unnið úr eða fengin útrás fyrir; áunnið bjargarleysi (Seligman), ábyrgðardreifing–VARÚÐ ÓHUGNANLEGT MYNDBAND–sjá frétt um kínversku stelpuna sem keyrt var yfir og gengið framhjá, depurð, þunglyndi, kvíði, reiði, ótti og fleira sem getur fengið okkur til þess að ganga á bak siðferðiskenndar okkar á margan hátt.

Hvað er eiginlega að gerast með mannkynið?

Maður veltir fyrir sér hvað þurfi eiginlega að gerast til að við V Ö K N U M?

Minna notað af ofvirknilyfjum

Hátt í 30 MILLJÖRÐUM KÍLÓA af fiski er hent árlega — á meðan svelta 25.000 manneskjur til dauða DAGLEGA!?!.

Aðal orsökin fyrir fækkun fisks er líklega ekki bara ofveiðin — sbr. "ryksuguveiðina" sem er í gangi t.a.m. hjá ESB — heldur að m.a. vegna þess hversu erfitt er að stjórna fiskveiðibákninu, sem hefur m.a. leitt til kvóta"geðveikinnar", þarf að henda miklu magni af fiski, áætlað að það séu hátt í 30.000.000.000 kíló sem er að mestu leyti ætur fiskur. Oftast er um helmingur þyngdar fisksins kjöt.

Það segir okkur að hátt í fimmtán milljörðum kílógramma af mat (fiskikjöti) er HENT! árlega...

Núna eru 6.965.214.539 einstaklinga í heiminum sem gerir hátt um 2 kg af fiskikjöti sem hent er fyrir hvern jarðarbúa á ári. Væri þetta nýtt til fæðu mætti líklega draga talsvert úr þessum 25.000 dauðsföllum vegna hungurs sem eiga sér stað á hverjum einasta degi, allt árið um kring.

Stórhvelin lifa aðallega á svifi sem er ein af undirstöðum fæðukeðju hafsins. Það kemur manni spánskt fyrir sjónir að það geti AUKIÐ magn fisks í sjónum að hafa hvalina svifsjúgandi sí og æ? Maður þarf greinilega að lesa þessa rannsókn. 

Þegar stríð  "skella á" (enn ein orðfegrunin á því hvernig valdabarátta mannana holdgervist), væri kannski réttara að segja þegar menn fara að myrða hvern annan (já það er líka að myrða þó maður hafi "bara ýtt á takkann" :) vegna þess að þeir geta ekki leyft hvorum öðrum að hafa sínar skoðanir, þeir fá ekki það sem þeir vilja o.s.frv. þá á sér stað sérkennilegt fyrirbæri sem lýsir sér í því að fleiri börn fæðast eftir stríð en annars (kallað "Baby Boom"í BNA, eftir seinni heimstyrjöldina). Ekki nóg með það heldur eru hlutfallslega fleiri drengir en stúlkur sem fæðast eftir stríð? 

Skyldi þetta með hvalina og svifið vera svipað? Hvalirnir "skella á" svifið og svifið byrjar að fjölga sér? Nema að hægðirnar frá hvölunum hafi þessi áhrif?

Hvalirnir eru fínir í hafinu og virka eins og ryksugur á mengunina sem við mennirnir missum óvart í sjóinn. Það skyldu þó ekki hafa verið hvalir sem Cree Indíánarnir áttu við þegar þeir sögðu að einungis þegar búið væri að höggva síðasta tréð, eitra síðustu ána, og veiða síðsata fiskinn myndi hvíti maðurinn átta sig á því að peningar eru ekki ætir? En hvað með hlutabréf, skyldu þau frekar vera æt?

En kannski vissu Indíánarnir ekki hvað hlutabréf eru eða að hvalir eru spendýr? Talandi um spendýr; eitt það besta sem ég fæ er Hrefnusteik — og þá er ég ekki að tala um grunnskólastærðfræði kennarann minn — það eru fáar máltíðir sem mér líður betur af en dæmi hver fyrir sig. Ég þekki samt fullt af fólki sem hefur ekki einu sinni bragðað á hvalkjöti?

Einu sinni kom "The Keiko Foundation" stjórnin saman á veitingahúsi í Reykjavík. Kunningi minn var yfirþjónn þar og ákvað að gera þeim smá grikk. Hann fékk að stjórna því hvað þau borðuðu og gaf þeim að sjálfsögðu Hrefnu-carpaccio í forrétt! Eftir að þau höfðu lokið við að borða allan matinn spurði einn stjórnarmeðlima af rælni hvaða gómsæta carpaccio þetta hefði verið, "var þetta nokkuð hreindýr?" spurði hann og strauk á sér bumbuna. Þegar þjónninn sagði þeim sannleikann bliknuðu sum af þeim og blánuðu! Tveir aðilar hlupu á klósettið og sögðust hafa kastað upp, "Oh my God, we ate Keiko!" Hljóta þau að hafa verið að hugsa ;)

Þegar ég var yngri voru bandarísk skólabörn spurð hvorn málstaðinn þau myndu frekar styrkja ef þau ættu (minnir mig) fimm dollara, að bjarga hvölunum eða styrkja sveltandi börn í Afríku og meirihlutinn vildi bjarga hvölunum. Skynsöm börnin í Ameríku, og kannski pínu skyggn, því það var ekki fyrr en miklu síðar að það var sýnt fram á að allir peningarnir sem gefnir voru til styrktar hungruðum enduðu ekki á matarborðinu hjá þeim sem voru að deyja úr hungri heldur endaði stór hluti þeirra í vösum spilltra embættismanna.

Eins og ég sagði, maður verður að lesa þessa rannsókn...

Fjölga hvalir fiskum?

Ósýnilega höndin?

Undanfarinn rétt rúman sólarhring hafa birst tvær fréttir varðandi Björgunarsjóð Evrópusambandsins sem segja meira en mörg önnur orð.

Fyrst í gærmorgun (klukkan 07:22) kom frétt þar sem gefið var í skyn að björgunarsjóðurinn yrði ríflega fjórfaldaður:

Viðbrögin létur ekki á sér standa, hlutabréf um Evrópu ruku upp (7.7% sumsstaðar) en svo, merkilegt nok birtist önnur frétt í gærkvöldi (18:51) þar sem útskýrt var að hin fyrri hefði aðeins verið ORÐRÓMUR!

Það er greinilegt að áróðursmaskínurnar eru orðnar vel smurðar...

Skil samt ekki hvaðan þeir hafa tölurnar: björgunarsjóður svæðisins verði stækkaður upp í allt að 2.000 milljarða evra eða rúmlega fjórföld stærð hans. Þegar segir í fréttinni þar sem orðrómurinn er dreginn til baka: Markaðurinn túlkaði það sem svo að auka ætti fjármagn (hvernig verður þetta að 2.000 milljörðum evra?) sem sjóðurinn hefði til umráða en talsmaður Rehn hefur dregið úr þeim skilningi?...

Þessir kallar virðast geta handstýrt hagkerfinu — Er þetta kannski "ósýnilega höndin" sem Adam Smith minntist á?

"Markaðurinn" leyfir skrifræðismekanismanum að ljúga að sér því sem markaðurinn vill heyra...

Hækkun hlutabréfanna er rakin til vaxandi væntinga um að leiðtogar ríkja á evrusvæðinu og Alþjóðagjaldeyrissjóður nái samkomulagi um víðtækar aðgerðir til að leysa skuldavandann i evrulöndunum.

Hversu stór hluti af þessum víðtæku aðgerðum er að ljúga markaðina upp og hversu raunhæf lausn er það á skuldavandanum? 

Hlutabréf hækka

Björgunarsjóður ríflega fjórfaldaður??

Hvað er eiginlega í gangi, er Össur smurskálkur búinn að taka við áróðursmaskínunni hjá þeim í Brussel?

Ríflega fjórfaldaður yfir í að vera EKKI stækkaður...

Of mikil skriffinska??

Kannski spurning um möppu(mein)dýraeyði :)

Scaeuble: Björgunarsjóður verður ekki stækkaður

Scaeuble: Björgunarsjóður verður EKKI stækkaður!

Greinilega búnir að læra eitthvað af rekstri fjármálastofnana, fyrst koma fréttir um að eigi að styrkja/stækka björgunarsjóð — hlutabréf rjúka upp og svo kemur frétt um að hann verði ekki stækkaður.

 „Follow the money“?!?

Björgunarsjóður fjórfaldaður

Með áherslu á STYRK!

Tek undir með Gísla Birgi en með meiri áherslu á STYRK — ekki verra að fá hlýjar hugsanir líka ;)

Einhversstaðar stendur að maður eigi að sýna ást, virðingu og þakklæti í VERKI.

Fólk getur styrkt framtakið með því að senda sms í símanúmerin 904-1001 (1000 kr.), 904-1003 (3000 kr.) og 904-1005 (5000 kr.) eða komið með áheit á vefsíðu söfnunarinnar.

Er búinn að styrkja þetta sjálfur og hvet aðra til þess líka.

Lagt af stað hringinn